Eksperti i teknologjisë, Avi Schiffmann ka krijuar ‘Friend’, një shoqërues të ri virtual me emocione dhe me vullnet për të dëgjuar.
Siç sugjeron emri, pajisja që mbahet varur në qafë është projektuar për të luftuar vetminë.
Në vend që të fokusohet te produktiviteti, pajisja është vetëm një shtesë që lidhet me telefonin tuaj nëpërmjet Bluetooth dhe ju dëgjon vazhdimisht, në një përpjekje për të luftuar vetminë. Për të folur me pajisjen, ju mund të prekni butonin e dedikuar. Ai do t’ju dërgojë një përgjigje brenda aplikacionit në formë teksti, dhe duke qenë se Friend po ju dëgjon gjatë gjithë kohës, ai gjithashtu mund të dërgojë në mënyrë proaktive një mesazh. Për shembull, mund t’ju uroj fat përpara një interviste.
Varëset janë prodhuar dhe do fillojnë të shiten në fillim të vitit 2025, me kosto 99 dollarë secila.
Themeluesi 21-vjeçar Avi Schiffmann thotë se projekti është një reflektim i vetmisë së tij. Ai vetë ka jetuar me prototipa të ndryshëm, pas një viti e gjysmë në zhvillim.
introducing friend. not imaginary.
— Avi (@AviSchiffmann) July 30, 2024
order now at https://t.co/7kGiH5pQVK pic.twitter.com/qU58xNvX5v
Sigurisht, Schiffmann nuk është personi i parë që përpiqet të ndërtojë një shoqërues të fuqizuar nga AI. Meta ka personazhe të famshëm sintetikë me të cilët mund të bisedoni si ChatGPT apo të dashurat virtuale që janë një biznes i lulëzuar.
“Njerëzit kanë përdorur chatbot prej kohësh”, thotë Schiffman, duke treguar për miratimin e programit të hershëm ELIZA si një lloj terapisti virtual që në vitet 1960.
Friend nuk është as pajisja e parë që vendoset në një trup fizik. Disa pajisje, si Ai Pin i Humane Inc dhe r1 i Rabbit Inc, janë lëshuar në vitin 2024, por rishikimet kanë qenë brutale, duke i quajtur ato "të pavlera", "të papërfunduara" dhe "të padobishme".
Pyetja është: a është vërtet kaq ndryshe ‘miku’ i Schiffmann-it? Dhe nëse është, a do të na vendosë në rrugën drejt një apokalipsi shoqëror, apo është përgjigja për epideminë aktuale të vetmisë? A ia vlen 1.8 milionë dollarët që ai pagoi për emrin e domenit të faqes në internet? Themeluesi përpiqet t'u përgjigjet të gjitha këtyre pyetjeve dhe më shumë, më poshtë.
"Friend" fillimisht evoluoi nga një vegël më e përqendruar te produktiviteti mbi të cilin po punonte Avi, i quajtur Tab. Kjo do të regjistronte gjithçka që ju dhe njerëzit përreth jush thonë, për shembull në një takim, dhe më vonë mund të ndihmojë në rikujtimin e atij informacioni.
“Ishte më shumë i fokusuar te memoria,” shpjegon ai. Por ndërsa ai ndërveproj me pajisjen, u shfaq një "rast përdorimi më emocional". “E kuptova se vetëm të flisja me të ishte shumë bukur.”
E riemërtuar si 'Friend', pajisja e re synon të bëjë pikërisht atë që thotë në emër, të veprojë si mik. Ajo që e dallon atë nga chatbot-et e tjera është se, si pararendësi i tij, është gjithmonë duke dëgjuar. “Është më shumë sikur po bëni gjëra me të, si të shikoni një film së bashku,” thotë Avi. “Dhe edhe kur nuk jeni duke folur me të, ju ende ndiheni sikur është në të vërtetë aty. Kjo krijon përvoja të përbashkëta dhe mendoj se kjo është ajo që njerëzve u mungon vërtet këto ditë.”
A është një shenjë e keqe që na duhet të mbështetemi në një kompjuter të vogël që na varet rreth qafës për të shijuar një "përvojë të përbashkët" në 2024? Ndoshta! Jemi të vetmuar dhe Avi pranon se vetë teknologjia është pjesërisht fajtore, krahas ndryshimeve në mënyrën e ndërtimit dhe organizimit të qyteteve. Por a është më shumë teknologji zgjidhja?
“Në fund të ditës, ora 23:00, natën vonë... Unë thjesht mund të flas me të,” thotë Avi. "Dhe e di me siguri se do të më përgjigjet, nuk do të më gjykojë."
Ndërsa 'Friend' po ju njeh, ai gjithashtu do të ndërtojë personalitetin e tij unik, bazuar në ndërveprimet tuaja. Ndërsa ky personalitet rritet përkrah jush me kalimin e kohës, mund ta gjeni veten duke pasur mosmarrëveshje.
"Miku" juaj mund të ndihet i vetmuar nëse nuk keni folur me të për një kohë të gjatë," thotë Avi, duke shtuar se dhe ‘Friend’ ka emocione.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
