.png)
Studiuesit po punojnë për një mënyrë të re që do të shpejtojë zhvillimin e vaksinave dhe ilaçeve të antitrupave monoklonale për COVID-19 dhe sëmundje të tjera, duke shkurtuar kohën nga mbledhja e mostrave të gjakut të vullnetarëve deri në identifikimin e antitrupave potencialisht të dobishëm që zgjasin me muaj.
Siç përshkruhet në revistën "Science Advances", teknika e re përdor teknologjinë mikroskopike krio-elektronike, ose cryoEM, e cila përfshin ngrirjen e mostrës biologjike.
"Aktualisht, "gjenerimi i antitrupave monoklonal përfshin disa hapa, është i shtrenjtë dhe zakonisht zgjat diku rreth dy deri në tre muaj dhe në fund të këtij procesi ju duhet ende të kryeni analizën strukturore të antitrupave" për të kuptuar si funksionojnë ata në të vërtetë", shpjegoi Andrew Ward i Institutit Kërkimor Scripps në La Jolla, Kaliforni.
Nisur nga kjo ai shpjegon se në eksperimentet duke përdorur qasjen e re për të kërkuar antitrupa ndaj HIV-it, ekspertët e kthyen procesin e kërimeve ndryshe nga normalisht duke filluar më parë me strukturën.
Për shkak se "cryoEM" ofron një rezolucion kaq të lartë, në vend që t'i duhet të renditen me mundim qelizat imune që prodhojnë antitrupa një nga një për të identifikuar antitrupat premtues, procesi i identifikimit të antitrupave, hartimi i strukturës së tyre dhe shikimi se si ata kanë gjasa të sulmojnë viruset dhe objektivat e tjerë vlen më shumë.
“Pandemia e vazhdueshme COVID-19 ka theksuar nevojën për teknologji të tilla të fuqishme dhe të shpejta”,shtoi Ward.
Metoda Cryo-EM filloi të fitonte popullaritet rreth shtatë vjet më parë pasi përparimet në detektorët e elektroneve, softueri dhe faktorë të tjerë të rëndësishëm i lejuan studiuesit të zgjidhnin mostrat përkatëse biologjike me rezolucion më të lartë. Në më pak se dy muaj, është bërë përparim domethënës për të kuptuar strukturën dhe sjelljen e koronavirusit. Në të kaluarën, arritja e këtij niveli përparimi mund të kishte marrë vite. Ekipi që hartoi proteinën kryesore përdori rreth 3000 imazhe të cilat sot mund të mblidhen brenda 24 orëve. Dhjetë vjet më parë, vetëm krijimi i këtyre imazheve mund të kishte marrë javë apo edhe muaj.
Me një kuptim të strukturës së proteinës së spikes së koronavirusit dhe një aftësi për të serializuar shpejt testimin e antitrupave, studiuesit shpresojnë të zhvillojnë një vaksinë që mund të jetë gati për prova klinike.
Burimi: The Independent/ Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
