.png)
Ka një legjendë që thotë se më datë 24 dhjetor, nuk duhet të konsumohet mish dhe për këtë ka një “pakt”: Të gatuhet peshk. Gjithsesi lidhja e Krishtlindjes me mishin mbahet e fortë më datë 25 ku në tavolinat e besimtarëve nuk mungon.
Dy shefat e kuzhinës, Andi Balla dhe Pandi Goga kanë treguar për Gazetasi.al si mund të përgatisni peshk dhe mish si dhe një recetë të thjeshtë biskotash për të shoqëruar bisedat midis familjarëve.
Shef Pandi tregon se peshku i shoqëruar me një salcë të thjeshtë është mjaft i shijshëm dhe është një recetë që edhe një “amator” në kuzhinë mund ta gatuajë.
PESHK ME BAJAME:
Pastrohet mirë peshku duke hequr skeletin dhe duke lënë vetëm fileton e peshkut. Më pas kriposim të dyja anët e filetos dhe e lyjmë me miell nga ana që nuk ka lëkurë dhe në fund e lyejmë me vezë. Më tej vendosim në tavë letër kuzhine të bardhë dhe shtrojmë fileton duke i shtuar bajame të grira dhe e fusim në furrë në temperaturë 220 gradë celcius për rreth 25 minuta.
Ndërkohë që peshku piqet, përgatisim salcën shoqëruese e cila përmban gjalpë dhe kaperi të kaurdisura në tigan me gjysmë gotë ujë. Në fund peshkun e servirim në një pjatë të madhe duke e shoqëruar me salcën e sapo përgatitur.
Ndërkohë, me datë 25 Dhjetor, ditën e Krishtlindjes, Shef Andi rekomandon kofshë gici e mbushur me fruta të thata dhe e shoqëruar me salcë fruta pylli
Kofshën e ndajmë nga kockat dhe i lejmë vetëm pjesën e fundit ose nyjen dhe e hapim mirë pjesën e mishit.
Më pas përgatisim mbushjen:
Fruta të thata mikse 1 kg ( arra, lajthi, bajame ,stika, hurma arabie, rrush të thatë dhe fistik
djath Guda 30 gr
pancet te tymosur 350 gr
1 tuf trumzë
300 gështenja
200 gr ullinjë jeshil dhe të zinj pa bërthamë
60 gr kaperi
100 ml vaj ulliri
20 gr Harisa mix (një përbërje që përfshin lloje specash dhe erëza)
15 gr krip
10 gr piper
2 kokrra limoni
I kalojmë në mikser të gjitha përveç kripës, piperit dhe harises deri sa të bëhet një masë e lidhur ose pastë.
Hapi tjetër:
Kofshën e marinojmë nga brenda me kripë, pak vaj ulliri, piper dhe harisa miks. Pastaj i vendosim feta me djathë Guda 30 gr
Sipër djathit shtojmë pancet të tymosur.
Pastaj shtojmë mbushjen që e kemi kaluar në mikse, e mbështjellim mirë duke e shtrënguar mirë me pelikula dhe më pas mund ta lidhim me spango dhe në fund e mbështjellim me letër alumin.
E fusim në tavë furre dhe pak ujë, e pjekim në furrë me temperaturë 155 gradë për 4:30 minuta. Me pas i heqim letrën, spangon dhe pelikulan dhe e fusim sërish në furrë me temperaturë 180 gradë për 20-25 minuta duke i shtuar pak kripë dhe pak vaj nga jashtë derisa të marrë ngjyrë.
Përgatitja e salcës:
1.5 kg fruta pylli
500 ml verë marsala
120 gr gjalp
5 gjethe dafinë
Pak krip dhe piper
250 gr mjaltë
Pergatitja:
Në një tenxhere shtojmë gjalpin, hedhim frutat e pyllit, i kavardisim per 5 minuta, pastaj i shtojmë verën, e lejmë përsëri 5-6 minuta, shtojmë 150 ml ujë dhe e lemë te ziejë 15 minuta duke i shtuar dafinën, kripë, piper dhe mjaltin.
Nëse është e nevojshme mund ta trashim me pak ujë me niseshte. E kullojmë dhe e kemi gati pastaj.
Biskota Cheff:
Biskota që janë gjysmë të ëmbla
Gjalp
Jogurt i trashë
Philadelphia
Konjak
Reçel vishnje
Shumë pak kanellë
Sheqer pluhur
Përgatitja:
Biskotën e hedhim në blender, e thërrmojmë dhe e përziejmë me gjalpin e shkrirë por jo të nxehtë.
Përzierjen e krijuar e fusim në forma të posaçme dhe e fusim më pas në frigorifer. Përziejmë philadelphian, konjakun, jogurtin dhe sheqerin pluhur për të krijuar masën kremoze që e fusim në enë dhe pastaj në frigorifer.
Vendoset shtresa e parë që janë biskotat. Më pas vendoset një lugë gjelle krem nga masa e krijuar. Për zbukurim dhe si një mënyrë për të identifikuar përbërësin kryesor të biskotave, vendosim dy vishnje në krye.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
