.png)
Vladimir Putin sulmon Evropën e vendosur kundër Bjellorusisë, por në të njëjtën kohë përpiqet të frenojë vrullin e një aleati gjithnjë e më të pakëndshëm dhe të pamenaxhueshëm: Alexander Lukashenko.
Veprimet e rojeve kufitare polake kundër emigrantëve të vendosur në kufirin Bjellorusi, kundërshtojnë idealet humanitare të mbrojtura nga fqinjët perëndimorë, akuzoi presidenti rus në një intervistë televizive.
“Kur rojet kufitare dhe ushtarët polakë rrahin emigrantët, qëllojnë mbi kokat e tyre, ndezin sirenat dhe dritat gjatë natës në vendet ku ata janë në kamp, ku ka fëmijë dhe gra në muajt e fundit të shtatzënisë… Nuk përshtaten shumë me idetë humanitare që janë në themelet e politikës së fqinjëve tanë perëndimorë”, sulmoi Putin.
Sipas “Carit”, organizatat kriminale që kontrabandojnë emigrantët janë të vendosura “në Europë” dhe është detyrë e ligjzbatuesve dhe shërbimeve evropiane të sigurisë të menaxhojnë problemin.
Nga ana tjetër, ai po përpiqet të frenojë Lukashenkon, i cili, në perspektivën e sanksioneve të reja të BE-së, u përgjigj me atë që i dukej “asi nën mëngë” i tij: ai kërcënon të mbyllë gazsjellësin që "ngroh Evropën".
Porn ë këtë rast, ai do të bllokonte gazin që prodhohet në Rusi. Moska, e cila dërgon një pjesë të madhe të gazit të saj në Evropë nëpërmjet Bjellorusisë, I bëri gjërat e qarta: "Rusia ishte, është dhe do të mbetet një vend që përmbush të gjitha detyrimet e saj në furnizimin me gaz për klientët evropianë".
Ndërprerja e furnizimit me gaz rus në BE do të përbënte "shkelje të kontratës" dhe "do të dëmtonte marrëdhëniet midis Bjellorusisë dhe Rusisë", paralajmëroi Putin gjatë intervistës, duke thënë se shpreson se "kjo nuk do të ndodhë".
Fjalë që sinjalizojnë shqetësimin e Kremlinit për t'u tërhequr në një krizë të padëshiruar: nëse qëllimi i Lukashenkos në këtë përshkallëzim është të detyrojë BE-në të negociojë dhe të braktisë sanksionet, Kremlini duket i gatshëm të lërë Evropën të luftojë drejtpërdrejt me Lukashenkon.
Merkel dhe Lukashenko "janë gati të bisedojnë me njëri-tjetrin" për të diskutuar krizën e emigrantëve, njoftoi Putin, i cili flet për herë të dytë brenda pak ditësh.
Ai thotë se Rusia "nuk ka asnjë lidhje" me krizën e vazhdueshme të emigrantëve në kufirin midis Bjellorusisë dhe Polonisë. Kreu i Kremlinit shtoi se "kontaktet e drejtpërdrejta mund të ndihmojnë" për të gjetur një zgjidhje.
Putin përsëriti më pas qëndrimin e përshkruar edhe nga Ministria e Jashtme ruse: "Nuk duhet të harrojmë se nga vijnë krizat që lidhen me emigrantët, Bjellorusia nuk është zbuluesi i këtyre problemeve. Problemet janë krijuar nga vendet perëndimore”.
Sipas presidentit rus, problemet janë të natyrës politike, ushtarake dhe ekonomike. "Ushtarake, sepse të gjithë morën pjesë në operacionet në Irak, për shembull, dhe tani ka shumë kurdë nga Iraku. Dhe ata kanë luftuar në Afganistan për njëzet vjet, tani ka gjithnjë e më shumë afganë atje".
Por ka edhe "arsye ekonomike": në vendet naftënxjerrëse të Lindjes së Mesme, "njerëzit shpesh jetojnë më keq se sa nga përfitimet sociale në Evropë".
"Kemi dëgjuar gjithmonë se çështjet humanitare duhet të vihen në plan të parë. Por kur, në kufirin midis Bjellorusisë dhe Polonisë, rojet kufitare polake dhe ushtria i rrahin ata, i gjuajnë me armë mbi kokë, sirenat ndizen natën në vendet e tyre ku ka fëmijë dhe gra në muajt e fundit të shtatzënisë”, vazhdoi Putin.
Sipas presidentit rus, "kjo nuk përputhet me idetë e humanizmit që duket se mbështet të gjithë politikën e fqinjëve tanë perëndimorë".
Në kufirin polako-bjellorus ka tensione dhe secili shtet ka pozicionuar me mijëra trupa për të ndalur rrjedhën e emigrantëve ose skenarin e një sulmi.
Moska e mbështet Minskun pa hezitim për sa kohë që bëhej fjalë për të kundërshtuar rivalët e Lukashenkos, të parë si shumë properëndimorë.
Përparimi në Ukrainë – e dalë jashtë orbitës ruse pas revolucionit pro-evropian të vitit 2014 - varet nga Moska, si një përvojë që Kremlini është i vendosur të mos e përsërisë.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
