.png)
Sipas anketës së Barometrit të Ballkanit për vitin 2021, mungesa e forcës së punës në vendin tonë vjen nga paaftësia e aplikantëve, 45% e tyre.
Rreth 38% e mungesës në tregun e punës në Shqipëri raportohet se është pasojë e nivelit të lartë të emigracionit që ka krijuar një boshllëk të tillë.
Pagat aspak të konkurrueshme në tregun e punës, zënë 7% të arsyeve se pse tregu i punës në Shqipëri është i paplotësuar.
Përqindja më e madhe e njerëzve të paaftë për punë si faktor ndikues në papunësi raportohet në Mal të Zi me 51% dhe në Maqedoninë e Veriut me 50%.
Paga jokonkurruese si arsye e nivelit të papunësisë raportohet në nivelin më të lartë në rajon në Serbi, me 19%. Ndërsa emigracioni si faktor ndikues vlerësohet më i lartë në Bosnjë, me 50%.
Sipas dy skenarëve të Institutit të Studimeve në Vjenë, popullsia në moshë pune nga mosha 15-64 vjeç do tkurret në të gjitha vendet e rajonit deri në vitin 2050.
Në skenarin e parë, rënia e popullsisë do të jetë më e theksuar, me 24% në Shqipëri, 17% në Mal të Zi deri në 35% në Ukrainë.
Në skenarin e dytë, i cili supozon se nuk do të ketë migracion të jashtëm, rënia do të ishte më pak e theksuar.
Gjatë tremujorit të parë të vitit 2021, shkalla e papunësisë në vendin për moshat +15 vjeç arriti në nivelet e pothuajse 12%, rritje me 0.5% nga e njëjta periudhë e vitit 2020.
Guvernatori i BSH-së, z.Gent Sejko njoftoi se punësimi është fusha që ende nuk është rimëkëmbur që nga nisja e pandemisë dhe po tregon përparim të ngadaltë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
