Covid-19 goditi si një cunami mbi botën e futbollit. Edicioni i 24-të i Deloitte Football Money League ka evidentuar efektet e pandemisë në performancën financiare të klubeve më të mëdha për sa i përket të ardhurat në botë në sezonin 2019/20: 1.1 miliardë euro të ardhura më pak për shkak të tkurrjes së të drejtave televizive dhe të ardhura nga shitjet e biletave. Një ndikim negativ që vlerësohet të shkojë në mbi 2 miliardë në fund të sezonit 2020/21.
Duke analizuar në mënyrë të detajuar raportin, del se 20 klubet më të mira gjeneruan një total prej 8.2 miliardë € në të ardhura, me një rënie prej -12% krahasuar me sezonin 2018/19. Një rënie prej 1.1 miliardë € kryesisht për shkak të:
– një zvogëlim prej 937 milion € (-23%) në të ardhurat nga të drejtat televizive, për shkak të kthimit të disa zërave në hyrje dhe zbritjeve të bëra për transmetuesit zyrtarë;
– një rënie prej 257 milion € (-17%) në të ardhurat e stadiumit;
– kompensimit vetëm pjesërisht nga një rritje në të ardhurat komerciale prej 105 milion euro (+ 3%).
– Qarkullimi mesatar i gjeneruar nga 20 klubet më të mira në renditje arriti në 409 milion euro në 2019/20, duke shënuar një rënie prej -12% krahasuar me 2018/19;
– Zbritjet për transmetuesit televizivë “në pesë kampionatet e mëdha” (Premier League, Liga, Seria A, Bundesliga, Ligue 1) dhe kompeticionet e UEFA-s, thuhet se arrijnë në afërsisht 1.2 miliardë euro, nga të cilat një pjesë e madhe në ngarkesë të klubit;
– Të ardhurat e ditës së ndeshjes nga marsi i vitit 2020 ka të ngjarë të jenë afër zeros, pasi tani duket e pamundur kthimi në stadium i një numri të madh të tifozëve gjatë sezonit 2020/21.
Kthimi i sigurt i tifozëve në stadiume është një përparësi kryesore në futbollin global, pasi aktivitetet e lidhura me ditën e ndeshjes janë një element kryesor i modelit të biznesit të klubeve, duke mundësuar burime shtesë të të ardhurave. Dimensioni i ndikimit financiar global të pandemisë në industrinë e futbollit do të varet kryesisht nga kthimi i tifozëve në stadium.
TOP 10
Klubet që përbëjnë dhjetëshen e parë mbeten të pandryshuara, ndërsa 18 nga 20 klube ishin të pranishëm në Money League të vitit të kaluar. Barcelona (e para me 715.1 milion euro) dhe Real Madrid (i dyti me 714.9 milion euro) mbeten në krye të Money League të këtij viti, me një hendek prej vetëm 0.2 milion euro, që është më i vogli në historinë e kësaj renditje. Kampioni i Europës Bayern Munich (634.1 milion euro) u ngjit në vendin e tretë në Money League, duke marrë përsëri podiumin (hera e fundit në 2013/14). Klubi regjistroi rënien më të vogël të të ardhurave (-4%) ndër 10 të parat, pasi ka qenë në gjendje t’i atribuojë të gjitha të ardhurat e tij televizive të Bundesligës në vitin financiar që përfundon në 2020. Në vendin e 4-të Manchester United (të ardhura prej 580.4 milion euro), përpara dy klubeve të tjera angleze: Liverpool (558.6 milion) dhe Manchester City (549.2 milion). Kompletojnë Top 10 Psg Chelsea, Tottenham dhe Juventus.
1. Barcelona – 715.1 milionë euro
2. Real Madrid – 714.9 milionë euro
3. Bayern Munich – 634.1 milionë euro
4. Manchester United – 580.6 milionë euro
5. Liverpool – 558.6 milionë euro
6. Manchester City – 549.2 milionë euro
7. Paris Saint-Germain – 540.6 milionë euro
8. Chelsea – 469.7 milionë euro
9. Tottenham Hotspur – 445.7 milionë euro
10. Juventus – 397.9 milionë euro
11. Arsenal – 388 milionë euro
12. Borussia Dortmund – 365.7 milionë euro
13. Atletico Madrid- 331.8 milionë euro
14. Inter – 291.5 milionë euro
15. Zenit St Petersburg – 236.5 milionë euro
16. Schalke 04 – 222.8 milionë euro
17. Everton – 212 milionë euro
18. Olympique Lyonnais – 180.7 milionë euro
19. Napoli – 176.3 milionë euro
20. Eintracht Frankfurt – 174 milionë euro
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
