Lulzim Basha shprehu mirënjohjen për të rinjtë që në këtë 8 Dhjetor po u japin ndihmë vullnetarisht banorëve të prekur nga tërmeti. “Dhimbja e banorëve të cilët shteti i ka harruar dhe braktisur, është zbutur nga të rinjtë”, deklaroi ai.
Kreu i PD-së thotë se kjo “Ditë e Rinisë” na bën krenarë, pasi ashtu si 29 vite më parë, kur të rinjtë u ngritën të parët në Lëvizjen e Dhjetorit, edhe sot pas tragjedisë, të rinjtë u erdhën të parët në ndihmë njerëzve në nevojë.
“Këtë 8 dhjetor shpreh mirënjohjen time të thellë për të gjithë të rinjtë që në këto ditë sprovash dhe dhimbjesh u shndërruan në shpresë dhe forcë për çdo shqiptar”, u shpreh kreu i demokratëve.
Kryeopozitari deklaroi se tragjedia zhveshi nga propaganda gjendjen e vërtetë të vendit, atë të Shqipërisë së varfër, të vjedhur dhe të abuzuar.
“Por sot ky angazhim dhe solidaritet i të rinjve është drita e shpresës që po ndriçon Shqipërinë, është frymëzimi ynë që ta kalojmë si një familje e madhe këtë situatë të rëndë sot e ta nxjerrim së shpejti Shqipërinë nga mjerimi, ta çlirojmë nga kthetrat e korrupsionit që nuk kursen as jetën e qytetarëve e ta bëjmë realitet thirrjen dhe destinin që të rinjtë nisën 29 vjet më parë, Shqipërinë si gjithë Europa”, thotë ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
