.png)
Nga Gazeta 'SI'- Aplikantët për postin e Drejtorit të Përgjithshëm të Policisë së Shtetit kanë 7 ditë afat, duke nisur nga dita e sotme, për të dorëzuar kandidaturat.
Emrat e kandidatëve do të bëhen publikë pas 7 ditësh, pas përfundimit të aplikimeve.
Kandidatët që konkurojnë për postin e drejtorit të Policisë së Shtetit duhet të plotësojnë edhe disa kritere, si: Grada e rolit të mesëm drejtues, të ketë shtetësi shqiptare; të mos ketë qenë i dënuar për kryerjen e një vepre penale, me vendim gjyqësor të formës së prerë; të mos ketë marrë masat disiplinore brenda 5 vjetëve të fundit, të jetë në kushte shëndetësore që e lejojnë të kryejë detyrën përkatëse, si dhe të mos ketë konflikt interesi në ushtrimin e detyrës, në përputhje me legjislacionin për konfliktin e interesit.
Aplikantët do të vlerësohen paraprakisht nga një Komision i Posaçëm, që do të ketë në përbërje një zv.ministër të brendshëm, Sekretari i Përgjithshëm i Ministrisë së Brendshme dhe Drejtori i Përgjithshëm i Agjencisë së Mbikëqyrjes Policore.
Komisioni i Posaçëm
Komisioni i Posaçëm i vlerësimit të kandidatëve do të përbëhet nga: a) Një nga zëvendësministrat, i caktuar nga Ministri i Brendshëm, kryetar; b) Sekretari i Përgjithshëm i Ministrisë së Brendshme, anëtar; c) Drejtori i Përgjithshëm i Agjencisë së Mbikëqyrjes Policore, anëtar.
Vendimet për kualifikimin ose skualifikimin e aplikantëve merren me shumicën e votave, ndërsa vendimet për vlerësimin e kandidatëve merren individualisht nga çdo anëtar i Komisionit, sipas rregullave të përcaktuara në këtë udhëzim.
Kandidati për Drejtor të Përgjithshëm të Policisë së Shtetit paraqet dokumente që provojnë se plotëson kushtet e parashikuara në nenin 56, të ligjit për Nr. 82/2024 “Për Policinë e Shtetit”.
Vendimet për kualifikimin ose skualifikimin e aplikantëve merren me shumicën e votave, ndërsa vendimet për vlerësimin e kandidatëve merren individualisht nga çdo anëtar i Komisionit, sipas rregullave të përcaktuara në këtë udhëzim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
