Arben Ahmetaj pritet të humbasë mandatin e deputetit, pasi në kushtet e arratisë, ai nuk është paraqitur në Kuvend 6 muajt e fundit.
Seanca e 6 Korrikut ishte e fundit kur Ahmetaj ka shkelur në Kuvendin e Shqipërisë.
Sipas përcaktimeve kushtetuese kjo e shtunë, 6 Janar është dita e fundit që Ahmetaj mund të gëzojë mandatin e deputetit
Neni 71 i Kushtetutës, gërma “d” përcakton se “mandati i deputetit mbaron ose është i pavlefshëm kur mungon pa arsye mbi 6 muaj rresht në Kuvend”.
Pas 6 Janarit, Kuvendi do të duhet të shpallë vakancën e krijuar duke njoftuar zyrtarisht KQZ-në për plotësimin.
Kodi Zgjedhor përcakton se KQZ plotëson vakancën e krijuar me kandidatin e radhës në listën shumë emërore të të njëjtin subjekt për të njëjtën zonë zgjedhore.
Sipas renditjes së kandidatëve të PS-së për Qarkun Tiranë, mandatin e Ahmetaj do duhet ta marrë Dallëndyshe Bici e cila aktualisht drejton Agjencinë e Kadastrës.
Nëse Bici refuzon mandatin, atëherë radha i kalon emrit tjetër në listë juristit Plarent Ndreca.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.