.png)
Nga Gazeta ‘Si’- Vetëm 5 minuta ka zgjatur seanca e dytë parlamentare e kësaj të marte. Parlamenti, me prezencë vetëm të socialistëve, ka miratuar kryesitë me deputetët socialistë të komisioneve të përhershme parlamentare.
Me 77 vota pro dhe 1 kundër u votua përbërja e këtyre komisioneve vetëm me deputetët e mazhorancës.
Që do të thotë se u votuan vetëm kryetarët e PS që drejtojnë komisionet parlamentare, dhe nënkryetarët e PS në ato komisione që drejtohen nga opozita.
Më herët, u zbardhën emrat që PD ka caktuar për të drejtuar komisionet që i janë lënë në ngarkim, megjithatë këto emra nuk janë dorëzuar në Kuvend për miratim.
Kryetari Peleshi lexoi në seancë emrat e nënkryetarëve dhe sekretarëve të 4 komisioneve që do drejtohen nga opozita:
Komisioni për Edukimin, Shkencën dhe Sportet – (Luciano Boçi); Nënrkryetare – Evis Kushi; Sekretare – Hatixhe Ekonomi
Komisioni për Kulturën, Turizmin dhe Diasporën – (Ina Zhupa); Nënkryetar – Erion Malaj; Sekretar – Arkend Balla
Komisioni për Drejtat e Njeriut dhe Mjetet e Informimit Publik – (Jorida Tabaku); Nënkryetare – Iris Luarasi; Sekretar – Ardit Bido
Komisioni për Shëndetësinë dhe Mirëqënien Sociale – (Bardh Spahia); Nënrkryetar – Eduard Shalsi; Sekretare – Enriketa Jaho
E pranishme në sallën e seancave plenare, nga Partia Demokratike ishte vetëm deputetja Jozefina Topalli, e cila dhe votoi kundër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
