.png)
Nga Gazeta ‘SI’ – Në fund të vitit 2024, në sistemin bankar të vendit kishte 1.683 mld lekë kursime, me rritje pothuajse 5% nga një vit më parë. Numri i depozituesve është rritur me 144 mijë në një vit dhe arriti në 1.98 mln depozitues në total, ku 80% janë individë.
Të dhënat e ASD tregojnë se rreth 950 mijë depozitues kanë zero lekë në llogaritë e tyre, ndërsa 125 mijë depozitues mbajnë më shumë se gjysmën e vlerës totale, 58% ose përkthyer në 739.5 mld lekë. Nga një vit më parë, depozituesit përtej vlerës 2.5 mln lekë janë shtuar me gati 6%.
Agjencia e Sigurimit të Depozitave raporton se 94.5% e depozitave janë të siguruara, ose 1,590.2 mld lekë.
Depozitat e sigurueshme në euro të shprehura në kundërvlerën në lek, për fundin e vitit 2024, zënë peshën më të madhe të totalit të depozitave të sigurueshme prej 47.4% të këtij totali, ndjekur nga depozitat në lekë me peshë 46.9%, dhe nga depozitat në USD me kundërvlerën e tyre në lekë me 4.1%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
