Një stuhi bore në Bërnli bëri që ndeshja me Totenhemin të shtyhej. Në ato kushte ishte e pamundur që kjo ndeshje të zhvillohej, edhe pse dy skuadrat ishin gati. Edhe tifozët u detyruan të kthehen në shtëpi, mes tyre edhe një çift fansash të Totenhemit, që kishin udhëtuar nga ShBA-të, saktësisht nga Dallasi.
Plot 31 orë udhëtim për dy të dashuruarit, që siç kanë shpjeguar vetë në rrjetet sociale, kishin mbërritur një ditë para për të bërë tifo për skuadrën londineze, por në fund u detyruan të ktheheshin në shtëpi. Një zhgënjim që nuk kaloi pa u vënë re nga kapiteni i Totenhemit, Herri Kejn. Sapo mësoi për këtë aventurë të pakëndshme, ai kontaktoi çiftin dhe e ftoi, me shpenzimet e tij kuptohet, për një ndeshje tjetër të Totenhemit.
Just been sent this tweet and absolutely gutted for you! For your commitment and to make up for the match being called off I’d like to invite you to a home game as my guest when you’re next in London 👍 https://t.co/wB3c8c40HN
— Harry Kane (@HKane) November 28, 2021
Një gjest i bukur dhe një shkëmbim batutash në Tuiter, që menjëherë është bërë viral. Nëse do t’i lejojnë kushtet e motit, dy tifozët amerikanë do të kenë një mundësi të dytë për të parë skuadrën e zemrës në fushë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
