.png)
31.821 biznese të vogla u çregjistruan nga sistemi i tatimit mbi vlerën e shtuar (TVSH). Drejtoria e Përgjithshme e Tatimeve në Tiranë njoftoi se këto biznese u larguan në kuadër të ndryshimit në ligjin mbi kufirin minimal të të ardhurave të bizneseve, e cila më parë ishte 2 milionë lekë dhe tani shkoi në 10 milionë lekë.
Bizneset e vogla që vazhdojnë të qëndrojnë në tatimin mbi vlerë e shtuar janë 1,329. Fillimisht ishin 89,270 biznese të vogla pjesë e kësaj skeme. Tashmë vetëm 1.5% e bizneseve ekzistente vazhdojnë të qëndrojnë në sistemin e TVSH-së.
Gjatë vitit 2019 DPTT-ja informoi se të ardhurat nga bizneset e vogla ishin 27 milionë euro, ndërkohë që nuk është bërë publike shifra e vitit 2020.
Nga ky sistem kanë dalë dhe profesionet e lira me të ardhura vjetore deri në 10 milioë lekë si kontabilistët, audituesit, noterët etj. Pjesë e skemës së TVSH-së deri në 10 milionë lekë të qarkulluara futen dhe fermerët.
Nga 1 janari hyri në fuqi dhe ndryshimi i kufirit të tatimit mbi fitimin që shkoi në 14 milionë lekë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
