Nga Gazeta Si – Tre të vdekur dhe tre të plagosur është bilanci tragjik i aksidentit të rëndë që ndodhi mbrëmjen e së enjtes në aksin rrugor Levan-Tepelenë.
Dy automjete u përplasën me njëra-tjetrën rreth orës 20:20 minuta pranë fshatit Buzëmadh të Fierit.
Njëri mjet, tip “Opel”, është shkatërruar thuajse plotësisht, ndërsa makina tjetër tip “Ford” ka përfunduar në kanalin jashtë rrugës.
Mësohet se njëri nga viktimat e aksidentit është 54-vjeçari Sokrat Lela, punonjës i Forcave të Ndërhyrjes së Shpejtë nga fshati Mbrostar i Fierit dhe 78-vjeçarja Bylyre Salaj, vjehrra e efektivit. Fatkeqësisht për shkak të plagëve të marra në spital vdiq dhe bashkëshortja e efektivit të policisë, Fatbardha Lelaj, 53 vjeçe.
Ndërsa në automjetin tjetër tip Opel udhëtonin një 43-vjeçar me bashkëshorten dhe vajzën 6-vjeçare. Të tre kanë marrë plagë të shumta dhe janë dërguar me urgjencë në spital.
Policia po shqyrton rrethanat e këtij aksidenti tragjik, teksa dyshimet paraprake janë për një parakalim të gabuar, si dhe lagështira në rrugë për shkak të motit të keq.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
