Nga Gazeta Si – Policia e Vlorës ka vënë në pranga një 46-vjeçar, i cili ishte i shpallur në kërkim për një sasi të konsiderueshme kanabis sativa që iu gjet në banesë.
Sipas njoftimit të policisë, 46-vjeçari nga Kanina e Vlorës u shpall në kërkim pasi në fshatin ku jetonte, policia i gjeti në banesë 262 kilogramë kanabis.
Në një ambient pranë shtëpisë së tij u gjet një serë me lidhje të jashtëligjshme të energjisë elektrike me fidanë narkotikë të kultivuar.
Si pasojë e këtij operacioni të zhvilluar në prill u arrestua më herët një 21-vjeçar, ndërsa u shpall në kërkim një 22-vjeçar tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
