Një lindje rekord në Marok, ku një grua ka sjellë në jetë 9 binjakë, 4 meshkuj dhe 5 femra. Halima Cisse, një 25-vjeçare nga Mali është bërë nënë për herë të parë dhe ka marrë vëmendjen e medias me 9 binjakët që ka lindur dhe që të gjithë janë mirë, sipas autoriteteve shëndetësore në Marok.
Gruaja ishte e bindur se do të lindte 7 fëmijë, por lindja çesariane solli në jetë edhe dy fëmijë të tjerë, që u kishin shpëtuar ekografive që ajo kishte bërë si në Mali, ashtu edhe në Marok. Nëna e re po ndiqej në një klinikë marokene që më 30 mars dhe epilogu ishte një surprizë e bukur për të.
Për këtë ngjarje ka reaguar edhe ministrja e Shëndetit dhe Higjenës në Mali, Fanta Siby, e cila ka falënderuar presidentin e tranzicionit për mbështetjen financiare që i kanë dhënë Halima Cisse. Ajo ka falënderuar gjithashtu edhe ekipet mjekësore në Mali dhe Marok për profesionalizmin e treguar për këtë lindje të veçantë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
