25 raste të reja janë shtuar në listën e të prekurve me COVID-19 në vendin tonë, ku 17 prej tyre janë nga Kruja. Albana Fico, drejtoresha e ISHP, bën me dije se që nga fillimi i epidemisë Tirana nuk ka asnjë rast të ri.
Fico deklaroi se gjatë 24 orëve të fundit 18 pacientë të tjerë, i janë shtuar listës së të shëruarve, duke e çuar kështu numrin e të shëruarve nga sëmundja COVID-19 në 345.
Aktualisht në vendin tonë janë 238 persona të infektuar aktivë dhe siç shihet numri i të shëruarve është më i lartë. Kjo tendencë tashmë vazhdon pa luhatje prej më shumë se një jave. Deri sot, 26 qytetarë e kanë humbur betejën me këtë sëmundje megjithë përpjekjet e stafit mjekësor. Ju informojmë se, në shërbimin infektiv aktualisht janë 32 të shtruar. 5 pacientë janë në terapi intensive. Në spitalin COVID 2 “Shefqet Ndroqi”, janë 8 pacientë të shtruar. 5 pacientë janë në terapi intensive në gjendje të rënduar, ndërsa 3 pacientë janë në pavijon. Në dy spitalet COVID aktualisht po marrin shërbim 40 pacientë. Harta e të prekurve nga COVID-19 zgjerohet në Kurbin dhe Krujë,”shton Fico.
Ndërkohë shpërndarja gjeografike vijon:
-Tiranë 253 raste
– Durrës 42 raste
– Lushnjë 6 raste
– Elbasan 16 raste
– Fier 36 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkodër 99 raste
– Lezhë 14 raste
– Berat 2 raste
– Has 13 raste
– Krujë 40 raste
-Tropojë 4 raste
– Pukë 5 raste
– Mirditë 3 raste
– Kukës 11 raste
-Mallakastër 1 raste
– Kurbin 27 raste
Fico deklaron se pavarësisht luhatjeve ditore gjendja mbetet e stabilizuar ndaj mbartësve të virusit dhe të të sëmurëve. Ndër të tjera drejtoresha e ISHP bëri me dije se qytetarët duhet të respektojnë masat e distancimit fizik, sepse është e vetmja mënyrë e kufizimit të përhapjes së infeksionit. Ndër të tjera bëri edhe në herë me dije se nëse qytetarët kanë shenja të sëmundjes duhet të telefonojnë numrin e urgjencës 127 ndërsa për informacion të telefonojnë në linjën e gjelbër 0800 40 40.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
