Derbi i 200-të i Beogradit, Partizan-Crvena Zvezda u luajt me dyer të hapura, ndërsa në stadium ishin të pranishëm 25 mijë tifozë. Fillimisht u përfol se tifozët duhet të ruanin distancimin fizik në shkallët e stadiumit, por në një sfidë si Partizan-Crvena Zvezda ky term nuk njihet.
Megjithatë, tashmë duket se po nisin të shfaqen edhe pasojat e para. Madje ai që e ka pësuar është klubi kampion i Crvena Zvezdës. Në Beograd është përhapur paniku se 5 lojtarë të këtij klubi rezultuan së fundmi pozitiv me koronavirus. Ditën e shtunë, skuadra festoi titullin kampion me 10 mijë tifozët e saj pas fitores kundër Proletarit. Tashmë frika më e madhe është se mund të jenë të infektuar shumë e më shumë persona të tjerë.
Njësia e Krizave Shëndetësore në Beograd vendosi më 27 maj që aktivitet sportive do të lejohen nga 1 qershori me praninë e publikut, me kusht që spektatorët të ruajnë distancën të paktën një metër nga njëri-tjetri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
