Kryetari i Partisë Demokratike, Sali Berisha thotë se viti 2025 do të jetë viti i fitores së opozitës. Nga takimi me degën 7 në Tiranë, ish kryeministri tha se PD ka mbrojtur interesin kombëtar dhe pasuritë kombëtare.
Sipas tij, programi dhe projekti që ata i paraqesin shqiptarëve për zgjedhjet e 11 majit, i jep përgjigje urgjente situatës së varfërisë ku ndodhen qytetarët.
“Sot para çdo shqiptari ne paraqitemi avoketër të interesave të tij. Ne kemi mbrojtur interesin kombëtar që është interesi i parë i çdo njeriu të qytetëruar. Ne kemi bërë gjithçka për të mbrojtur pasuritë nga një lukuni, që i shpërndan midis klaneve të vetë”, tha Berisha, duke shtuar se ka paraqitur para shqiptarëve një program dhe projekt, i cili i jep përgjigje emergjente kësaj situate varfërie, e cila sipas Berishës, largon shqiptarët çdo ditë.
“Këto janë faktorët që shumë njerëz duan ta quajnë vitin 2024, si vitin e opozitës, por ne preferojmë të quajnë vitin 2025, si vitin e fitores tonë”, tha Berisha.
Më tej ish kryeministri u shpreh se përballë opozita ka një ngrehinë të kalbur.
“Kemi një regjim të kalbur nga koka tek këmbët. Ato që ju dëgjoni këto ditë, për kryevjedhësin e kryeqytetit ato janë realitet po kaq i trishte për organizatën kriminale që quhet qeveri”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
