.png)
Nga Liqeni i Tiranës, i veshur sport, Presidenti i Partisë së Lirisë, Ilir Meta, ka përcjellë një mesazh për 20 vjetorin e themelimit të kësaj force politike.
Meta e nisi mesazhin me kontributin që ka dhënë PL (dikur LSI) qysh në fillimet e saj për të kaluar më pas me mesazhe konkrete që shigjetuan edhe ish-bashkëshorten e tij Monika Kryemadhi.
“...Një keqardhje për të gjithë ata që e nisën si idealistë e idealiste dhe përfunduan si patronazhistë dhe patronazhiste. Dhjetëra bien (blihen), mijëra ngrihen! Unë personalisht jam 20 herë më i ri se 20 vite më parë dhe 20 herë më i fortë se 20 vite më parë.
Konventa historike e 27 Prillit ishte një moment madhor për t'u ndarë njëherë e përgjithmonë me nepotizmin, me korrupsionin, imoralitetin dhe për të vendosur njëherë e përgjithmonë integritetin, transparencën dhe meritokracinë si shtyllat që do të jenë garante për jetëgjatësinë dhe suksesin e Partisë së Lirisë shumë shpejt dhe për dekadat që do të vijnë!
Shqipëria me 5 Prioritetet tona do të bëhet me 4 milionë shqiptarë plus shumë shpejt dhe për këtë duhet të kontribuojmë të gjithë”, e mbyll Meta mesazhin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
