.png)
Robert Lewandowski shënoi dy herë ndërsa Barcelona ristabilizoi kryesimin me 3 pikë në La Liga pas një fitoreje komode ndaj Girona-s në “Olympic Stadium”. Kjo ishte ndeshja e 20 që Barcelona shënon 4 apo më shumë gola si dhe ndeshja e 20 pa humbje këtë sezon duke barazuar rekordin e vendosur me Tata Martino-n në drejtimin e sezonit 2013-2014. Katalanasit janë klubi vetëm pa humbje këtë vit kalendarik.
Polaku Lewandowski që po jeton rininë e dytë nën drejtimin e Hansi Flick shënoi dy herë duke arritur kuotën e 25 golave në një kampionat që Barcelona e ka ndarë në 3 faza deri tani. Fitoi 33/36 pikë në 12 javët e para. 6/24 pikë në javët 13-20 si dhe pikët maksimale në 9 javët pasuese. Në total kuqeblutë kanë fituar 27 nga 29 ndeshjet e luajtura deri tani. Diçka që jo shumë skuadra të tjera e kanë arritur në La Liga.
Stoli është një tjetër pikë e fortë te Barcelona dhe deri tani ka shënuar 17 gola. Vetëm Atletico Madrid bën më mirë me lojtarët zëvendësues këtë sezon (18 gola). E pikërisht ndaj “colchoneros” në “Metropolitano”, Barca do zhvillojë të mërkurën ndeshjen e kthimit në ½ finalet e “Copa del Rey”. Ndeshja e parë u mbyll në barazimin 4-4 pas 8 golave në “Stadiumin Olimpik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
