.png)
Nga Gazeta 'Si'- Shkenca herë pas here thotë atë që gjyshërit tanë kanë thënë gjatë gjithë kohës. Teknikisht, nuk mund të sëmuresh vetëm nga moti i ftohtë (shumica e ftohjeve shkaktohen nga viruset). Megjithatë, ekziston një arsye pse ndryshimet e temperaturave mund të kontribuojnë që të sëmureni.
Frymëmarrja e ajrit të ftohtë dhe të thatë jashtë (ose edhe në shtëpinë tuaj) mund t'ju bëjë më të ndjeshëm ndaj ftohjes. Dhe kjo është e gjitha për shkak të mënyrës se si hundët tona janë të vendosura për të na mbrojtur.
"Aparati i hundës është projektuar për të qenë hapi i parë në luftimin e infeksionit dhe filtrimin e irrituesve në mjedis," thotë Amy Brown, pulmonologe.
"Hunda ka sistemin e vet të brendshëm të lagështimit që e lejon atë të përshtatet lehtësisht me ndryshimet në mjedisin e jashtëm," tha Brown. "Ky rol është jashtëzakonisht i rëndësishëm sepse shënon fillimin e dërgimit të ajrit të freskët, të pastër dhe të lagësht në pjesën më të thellë të mushkërive tona."
Kur ajri jashtë hundës është shumë i thatë, kjo bën që hunda të punojë më shumë për të lagështuar ajrin që thithni dhe nuk mund të vazhdojë gjithmonë. Broën shpjegoi se kur ‘filtrimi’ i hundës dhe mbrojtja imune nuk funksionojnë në mënyrë optimale për shkak të ajrit të thatë, viruset, si ato që shkaktojnë infeksione të frymëmarrjes dhe ftohjet e vjeshtës, mund të hyjnë më lehtë.
Si pengohet sistemi mbrojtës i hundës nga moti i ftohtë
Eksperti Peter Hwang, tha për HuffPost se “Funksioni i shëndetshëm i hundës mbështetet në anatominë e duhur për të mundësuar rrjedhjen e mirë të ajrit dhe një shtresë mukusi të hidratuar mirë që ndihmon në mbajtjen e hundës të lagësht dhe pastër.”
Kjo shtresë e mukusit është pikërisht ajo që vepron si "një bllokadë fizike për viruset dhe bakteret për të hyrë në inde", shpjegoi Hwang.
Zgavra e hundës gjithashtu përmban miliarda qeliza të quajtura cilia që duken si "projeksione mikroskopike për të larguar mukozën, bakteret dhe viruset", sipas Dr. Peter Filip, profesor në Departamentin e Otorinolaringologjisë.
Të gjitha këto mbrojtje janë në rrezik kur keni pasazhe të thata të hundës.
Kur temperatura brenda hundës bie me -12 gradë, ajo dëmton afërsisht 50% të miliarda qelizave që ofrojnë funksionin e mbrojtjes imune antivirale, sipas një studimi të vitit 2022.
Lagështia bie kur moti ftohet, "gjë që e bën më të vështirë për hundën të mbajë këtë shtresë të mukusit të lagësht", tha Hëang.
Shkaqe të tjera të tharjes së hundës dhe shenjave që po përjetoni problemin
Sigurisht, nuk është vetëm moti i ftohtë që mund të shkaktojë tharje të hundës. Megjithëse "lidhja" e hundës mund të ndryshojë nga personi në person, sipas Filipit, shkaqe të tjera të tharjes së hundës mund të jenë për shkak të dehidrimit, moti i thatë, alergjitë, shumë ilaçe të ndryshme dhe disa sëmundje autoimune, të cilat janë një lloj sëmundjeje ku sistemi imunitar sulmon qelizat e veta.
Tymi i duhanit, ndotësit e ajrit, aromat irrituese dhe alergjenët gjithashtu mund të dëmtojnë shëndetin ehundës.
Si të kuptoni nëse hunda juaj është e thatë? Ekspertët sugjerojnë të kërkoni për këto shenja:
-Siklet i përgjithshëm i hundës, dhimbje, kruajtje
-Një ndjenjë e ndryshuar e nuhatjes
-Mukozë e verdhë e thatë
-Gjakderdhje nga hundët
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
