.png)
Një tërmet me magnitudë 5.6 ka tronditur Indonezinë. Sipas një bilanci paraprak bëhet fjalë për 40 të vdekur dhe rreth 300 të plagosur. Epiqendra e tërmetit ishte në një thellësi prej 10 km në rajonin Cianjur, në provincën perëndimore të Java-s.
Lëkundjet u ndjenë edhe në kryeqytetin Xhakarta, ku shumë persona dolën në rrugë dhe ndërtesat u tronditën për rreth 3 minuta.
Indonezia, një arkipelag i madh prej më shumë se 270 milionë banorësh, goditet shpesh nga tërmetet, shpërthimet vullkanike dhe cunami për shkak të vendndodhjes së saj në të ashtuquajturin “unaza e zjarrit", një hark vullkanesh dhe linjash thyerjesh në pellgun e Paqësorit.
Në shkurt, një tërmet me magnitudë 6.2 la të paktën 25 të vdekur dhe 460 të plagosur në provincën e Sumatrës Perëndimore. Në janar 2021, një tërmet me magnitudë 6.2 shkaktoi mbi 100 të vdekur dhe afro 6500 të plagosur në provincën e Sulaëesi-t Perëndimor. Në vitin 2004, një tërmet i fuqishëm dhe cunami në Oqeanin Indian shkaktuan rreth 230.000 viktima në shumë vende, shumica e tyre në Indonezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
