.png)
Nga Gazeta Si- Policia Rrugore e Tiranës ka identifikuar nëpërmjet rrjetit social TikTok disa të rinj që kryenin manovra të rrezikshme në rrugën “Bulevardi i Ri”.
“Në datën 09.04.2023, në rrjete sociale janë postuar disa video për automjete të ndryshme, drejtuesit e të cilëve kryenin manovra të rrezikshme duke u bërë rrezik për veten dhe përdoruesit e tjerë të rrugës, në rrugën “Bulevardi i Ri”. Nga vëzhgimet në rrjetin social TikTok është bërë identifikimi dhe ndalimi i drejtuesve të automjeteve, së bashku me mjetet përkatëse”, njofton policia.
Për kundërvajtjet e kryera ndaj tyre u vendos masa administrative me vlerë 40 mijë lekë të rinj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
