Gazeta Si – Partizani ka bërë atë që pritej në ndeshjen e parë në stadiumin e ri. Të kuqtë kanë mundur 2-1 Bylisin në shtëpinë e tyre të re dhe tashmë ndodhen në krye të renditjes, me pikë të barabarta me Tiranën (22 pikë). Festa e fitores sot pasoi atë të inaugurimit të stadiumit.
Sa i takon ndeshjes, ajo u vendos nga dopieta e Xhuljano Skukës. Sulmuesi i Partizanit shënoi fillimisht me penallti dhe në pjesën e dytë dyfishoi shifrat. Ballshiotët e rihapën ndeshjen në 10 minutat e fundit, por pa mundur të shkojnë më tej.
Partizani tashmë ndaj kreun me Tiranën, që e ka mundur në ndeshjen direkt. Pas tyre vjen surpriza e madhe Erzeni, që sot fitoi derbin me Teutën 1-2.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.