.png)
Dy aksidente rrugore brenda pak minutash janë raportuar në Tiranë pasditen e të premtes.
Në të parin, policia thotë se në rrugën “Jordan Misja”, kamioni me drejtues shtetasin E. K., rreth 37 vjeç, ka aksidentuar një person që po lëvizte me biçikletë. Ky i fundit, i identifikuar me inicialet G. R., rreth 60 vjeç, ndodhet në spital, nën kujdesin e mjekëve.
Ndërsa në një tjetër aksident, është plagosur një i mitur 8-vjeçar. Ngjarja ka ndodhur te rrethrrotullimi i "Komunës Parisit", ku mjeti me drejtuese shtetasen S. P., 36 vjeçe, ka aksidentuar një fëmijë me iniciale E. Dh., i cili ndodhet në spital, jashtë rrezikut për jetën. Policia ka nisur punën për të zbardhur të dyja rastet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
