.png)
Hyrjet e shtetasve shqiptarë dhe të huaj në territorin e Shqipërisë për muajin Janar 2021 janë 405.799.
Në krahasim me Janarin e vitit 2020, hyrjet kanë pësuar një rënie të ndjeshme me 41.5%.
Numri i shtetasve të huaj që kanë hyrë në Shqipëri është 185.329 dhe ka rënë me 25.7% në krahasim me Janarin e vitit 2020.
Zvicra dhe Kosova janë vendet që kanë pasur hyrjen më të lartë në Shqipëri duke mbajtur gjallë turizmin, përkatësisht me 47.2% dhe 13.0%.
Uljen më të ndjeshme e ka pasur Greqia me 87.0% dhe Spanja me 73.0% krahasuar me Janarin e vitit 2020.
Sa u përket daljeve të shtetasve shqiptarë dhe të huaj gjatë Janar 2021 janë 450.581 duke shënuar një rënie me 46,5 %, krahasuar me të njëjtën periudhë të një viti më parë.
Daljet e shtetasve shqiptarë janë 271.684 ndërsa daljet e shtetasve të huaj janë 178.897.
Rënia është shënuar përkatësisht me 48.8% dhe 42.6%.
Hyrjet e shtetasve të huaj sipas qëllimit për arsye personale dhe për pushime kanë rënë me 26.0% dhe 26.9% krahasuar me periudhën e vitit të kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
