.png)
Gazeta Si – Joe Biden u takua me Rishi Sunak në Londër. Në Downing Street (zyra e kryeministrit), presidenti amerikan dhe kryeministri britanik zhvilluan bisedime mbi luftën në Ukrainë dhe perspektivat për samitin e NATO-s në Vilnius, të planifikuar për të martën, 11 korrik.
Ajo e Londrës është ndalesa e parë dhe e vetme në turneun evropian të Bidenit, i cili do të niset për në Lituani gjatë ditës.
Ky është i pesti takim ballë për ballë, në pesë muajt e fundit, mes liderëve të vendeve anglo-amerikanë. Por në takimet e tyre nuk mungojnë as mosmarrëveshjet apo edhe gafat e shefit të Shtëpisë së Bardhë.
Dallimet rreth Ukrainës – Qeveria britanike ka shprehur gatishmërinë e saj për të riafirmuar unitetin e qëllimit të saj me Uashingtonin, veçanërisht për çështjen e luftës në Ukrainë dhe qëndrimin që duhet të mbajë ndaj Vladimir Putinit.
Uashingtoni dhe Londra janë, në fakt, dy vendet që kanë furnizuar Kievin me sasinë më të madhe të armëve për luftën aktuale.
Megjithatë, siç kanë vërejtur mediat ndërkombëtare, ka pasur mosmarrëveshje: nga njoftimi i fundit amerikan për furnizimin me bomba thërrmuese në Ukrainë (që britanikët, si aleatët e tjerë, nuk e ndajnë), deri te çështja e hyrjes së ardhshme të Kievit në NATO (të cilën Biden e shtyn pas përfundimit të luftës dhe në të cilën Sunak, së bashku me liderët e Polonisë dhe të vendeve baltike, këmbëngul për një përshpejtim).
“Marrëdhëniet midis Shteteve të Bashkuara dhe Mbretërisë së Bashkuar “janë të forta si një gur”, tha Biden në fund të takimit.
Gafa dhe shaka – Kur u prit, para hyrjes së Downing Street, Joe Biden bëri një gafë që nuk kaloi pa u vënë re.
Pas shkëmbimit të zakonshëm të përshëndetjeve, në fakt, ai iu drejtua Sunkut, duke e quajtur gabimisht “Mister President” (Zoti President), me titullin që i përket atij dhe jo të kryeministrit britanik. “Sapo të zbrita në detyrë”, tha Biden më vonë, duke u përpjekur të korrigjohej.
Më pas, presidenti amerikan e lëshoi veten me një batutë që nuk ishte menjëherë ironike: “Në 20 minutat e ardhshme do të zgjidhim problemet e botës”, tha ai me shaka, si për të “ridimensionuar” objektin e takimit.
Në Windsor te Mbreti Charles III – Pas Downing Street, Joe Biden u prit gjithashtu në Kështjellën Windsor nga Charles III (ishte takuar me Mbretin në funeralin e Elizabeth II).
Në këtë rast, ishte një pritje joformale, megjithëse me nderimet e zakonshme ushtarake, të fokusuara veçanërisht në çështjen e klimës dhe zhvillimin e një ekonomie më të qëndrueshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje